हौसला र प्रेरणा जगाउने नौलोपन प्रयोग गरि लेखिएको पुस्तक

हौसला र प्रेरणा जगाउने नौलोपन प्रयोग गरि लेखिएको पुस्तक
सफलता प्राप्त गर्न चाहने सबैका लागि उपयोगी पुस्तक

Wednesday, May 15, 2013

Ncell को फेसबूक पेजमा यस्तो लाजमर्दो प्रतिकृया

आफ्नो ग्राहक एक करोड पुगेको भन्दै खुशीयाली मनाइ रहेको Ncell लाई ग्राहकहरुले दिएको सुझाब कतिको मनन गर्लान त्यो हेर्न बाँकी नै छ । Ncell को फेसबूक पेजमा ग्राहकहरुले दिएको प्रतिकृयाले आश्चर्य चकित बनाइ दिएको छ ।  दुई घण्टा अघि पोस्ट गरेको फोटोमा प्राप्त १ सय ७० भन्दा बढी (यो सामाग्री तयार पर्दा सम्म) प्रतिकृया मध्ये औंलामा गन्न सकिने मात्रामा मात्र सकारात्मक् प्रतिकृया आएको देखिन्छ । Ncell को पेज बाट लिएको यो सामाग्री जस्ताको त्यस्तै हेर्नुस्

Photo: Ek Karodma Ek Ma! Today, Ncell is the biggest and happiest family in Nepal with One Crore members. And within that One Crore family are you and I. Ncell, Here for Nepal


Posted by Unknown at 12:24 AM 1 comments
Labels:

Tuesday, May 14, 2013

एनसेलको करोड ग्राहक ध्वाँस मात्रै !


आफुलाई देशकै सबैभन्दा ठुलो दुरसंचार सेवा प्रदायक भएको भन्दै आज एनसेलले खुवै विज्ञापन र समाचार छपायो । एनसेलकै कुरा सुन्ने हो भने १ करोड ग्राहक उसका छन् रे । तर तपाई यो भ्रममा नपर्नुहोला महोदय यो सिम बाँडेको संख्या हो चलाउनेको होइन ।

पत्रकार गजेन्द्र बुढाथोकी भन्छन उसका कति सीम जारी भए त्यो ठूलो कुरा होइन, कति प्रतिशत सीम एक्टिभ छन, कति प्रतिशतले दैनिक फोन कल गर्छन भन्ने मुख्य कुरा हो । उसले हरेक वर्ष नेपाल सरकारलाई तिरेका करका आधारका जारी भएका मध्ये आधा पनि सिम एक्टिभ नभएको देखिन्छ । तराईतिर र गाउँघरतिर किलोका भाउमा एनसेलका सिम पाइन्छन, मेरै एक जना आफन्तको १२ वर्षको छोरासँग ७ वटा एनसेलका सिम छन । अब त झन विदेशबाट आइएमइ गर्दा एनसेल सिम निःशुल्क रे ।

अर्को स्किम बैजनी रंगका लुगा लगाउने जतिलाई सिम निःशुल्क होला । यही तालले सिम जारी गर्दै जाँदा आउँदो वर्ष २ करोड प्रयोगकर्ता भनेर विज्ञापन जारी गर्छ । मेरा फोनबुकमा भएका लगभग १ हजार नम्बरमा जम्मा तीन वटामात्र एनसेल नम्बर रहेछ, अब आफै विचार गर्नुस यसका कति प्रयोगकर्ता छन ।

यहाँ सम्मकी सुनसरीको भरोल गाउँमा एनसेलले टावर राख्न स्थानीय युवाहरूलाई फकाउन ३ वटा बाइक समेत एनसेलले किनिदिएको पत्रकार बुढाथोकिले सामाजिक सञ्जाल फेसबुकमा लेखेका छन ।

पत्रकारहरुकै कुरा सुन्ने हो भने हिमाल खवर पत्रिकामा कार्यरत पत्रकार रमेश न्यौपानेका अनुसार नेपाल टेलिकमका एमडीले अनापचारिक कुराकानीमा एनसेल र हाम्रो जीएसएममा बाहिर जे जे भनेपनि ३५–३५ लाखको हाराहारीमा ग्राहक छन् भन्थे रे ।

सामाजिक सञ्जालमै चलेको भनाइ र सत्यतालाई केलाउने हो भनेपनि पछिल्लो समय एनटीसीले इन्टरनेट शुल्क घटाएपछि एनसेलले समेत घटाएको छ । यदी घटाउन सकिने थियो भने किन पहिलेनै घटाएन एनसेलले ? किन भने उखाननै बनिसकेको छ एनसेलमा पैसा टिक्दैन, एनटीसीमा टावर टिप्दैन ।

सामाजिक सञ्जाल फेसबुकमै भुवन राउतले लेखेको कुरा सुन्ने हो भने एनसेलको १ करोड सिम रे अबैध VOIP मा २ लाख , अपहरणकारीं अपराधीले प्रयोग गरेका १ लाख र मैले रिचार्जको लागि प्रयोग गरेको १०० ओटा जति घटाउन बिर्सेच ।
आम ब्यक्रिको यि भनाइलाई आधार र घटना क्रमहरुलाई समेत तथ्यका रुपमा केलाएर हेर्ने हो भने नेपालमा सञ्चालि अबैध टेलिफोट कल बाइपासमा प्रयोग हुने हजारौं सिमकार्ड एनसेलको हुने गरेको छ ।

त्यसो त एनसेलले दुरसंचारसँग सम्वन्धित समाचार लेख्ने पत्रकारहरुलाई बिदेश भ्रमण गराउने देखि इन्टरनेट सुविधा, ब्याग समेत बाँडेर फकाउने गरेको छ । डायरी कलमको चाँग त गनि साध्य छैन । आधा दर्जन बढी पटक राजश्व छलीमा करोडौं रुपैयाँ जरिवाना तिरिसकेको एनसेल राजश्व तिर्ने कम्पनीको अग्रपंक्तिमा आए जस्तै राजश्व छलिमा समेत पहिलो नम्वरमै गनिन्छ ।

अब आफैं भन्नुस् त सेवा कम मेवा वढी अनि ढुकुटिमा समेत जिब्रो काढेर असुलेको पैसाले सिम मात्र कौडिको मुल्यमा बाँडेर गन्दैमा १ करोड किन नपुगोस् ।

टप नेपालन्युजबाट 
Posted by Unknown at 10:32 PM 0 comments
Labels: ,

Tuesday, May 7, 2013

बिश्वका ५ सर्वाधिक धनी व्यक्तिहरु

रामजी बलामी



हरेक वर्ष बिश्वका सर्वाधिक धनी व्यक्तिहरुको सुची प्रकाशन गर्ने फोब्र्स पत्रिकाले सन २०१३ का सर्वाधिक धनी व्यक्तिहरुको सूची हालै प्रकाशन गरेको छ । पत्रिकाले प्रकाशन गरेको सूचीमा यो वर्ष नेपाली उद्योगपति बिनोद चौधरीको नाम पनि समावेश गरिएको छ । फोब्र्स पत्रिकाले चौधरीलाई १ बिलियन अमेरिकी डलरको मालिक भन्दै १३४२ औं स्थानमा राखेका छन । उनी नेपालकै धनी व्यक्ति भएको पत्रिकाले जनाएको छ । पत्रिकाले सार्वजनिक गरेको सूची अनुसार बिश्वका सर्वाधिक धनी ५ जनाको विवरण यस्तो छ ।

१. काल्र्स स्लिम हेलु

फोब्र्स पत्रिकाले यो वर्ष सर्वाधिक धनी व्यक्तिहरुको सूचीमा पहिलो नम्वरमा राखिएका ब्यक्ति हुन काल्र्स स्लिम हेलु । ७३ बर्षीय यी व्यक्ति मेक्सिकोका नागरिक हुन । उनको सम्पत्ति ७३ बिलियन डलर रहेको पत्रिकाले जनाएको छ । ५ जना बालबच्चाका अभिभावक उनी सिभिल इन्जिनियरिङका विद्यार्थी हुन । पत्रिकाले नै सार्वजनिक गरेको ४ सय शक्तिशाली व्यक्तिहरुको सूचीमा पनि उनी ११ औं स्थान रहेको छ भने उनी मेक्सिकोको सबै भन्दा धनी व्यक्ति पनि हुन । अमेरिकन मोबाइल टेलिकमका मालिक उनले कम्युनिकेशन, टेक्नोलोजी, फाइनान्सीङ, रियलस्टेट, इन्फ्रास्ट्रकचर लगायतका क्षेत्रमा समेत लगानी गरेका छन । उनले अन्य विभिन्न मुलुकका प्राविधिक क्षेत्रमा समेत लगानी विस्तार गरेका छन । हाल उनी टेली कम्युनिकेशन कम्पनी टेल्मेक्स र अमेरिका मोभिलका अध्यक्ष र प्रबन्ध निर्देशक हुन । उनी सामसुङ मेक्सिको, ग्रुपो कार्साे लगायतका कम्पनीसग पनि संलग्न छन । अघिल्लो वर्ष नै उनको सम्पत्ति ६९ बिलियन डलर अनुमान गरिएको थियो ।



२. बिल गेट्स

सार्वाधिक धनी व्यक्तिहरुको सुची अन्तर्गत दोश्रो स्थानमा रहेका छन माइक्रोसफ्ट कम्पनीका बिल गेट्स । २८ अक्टुबर १९५५ मा जन्मेका उनले बिल एन्ड मेलिडा गेट्स फाउन्डेसन समेत स्थापना गरेर सामाजिक काममा हात हालेका छन । पत्रिकाले नै सार्वजनिक गरेको शक्तिशाली व्यक्तिहरुको सुचीमा उनको नाम चौथों स्थानमा रहेको छ भने अमेरिकी धनी व्यक्तिहरुको सूचीमा पहिलो नम्वरमा रहेको छन । सन २०१३ मार्च सम्म उनको सम्पत्ति ६७ बिलियन डलर पुगेको पत्रिकाले जनाएको छ । अमेरिकाको हार्वड बिश्व विद्यालयका ड्रपआउट विद्यार्थी बिल तीन सन्तानका अभिभावक हुन । उनी सामाजीक क्षेत्रमा पनि उत्तिकै सक्रिय रहेका छन । मलेरिया र पोलियो जस्ता रोगहरु निर्मुल पार्नकालागि सक्रिय भएर लागि परेका छन । मातृशिशु मृत्युदर न्युनिकरण, कृषि अनुसन्धान र प्रविधि क्षेत्रको विकासकालागि उनले ठूलो सहयोग गरिरहेको छ । उनी सन १९९५ देखि २००९ सम्म सार्वधिक धनीको सूचीमा थिए । उनी क्यास्केड इन्भेस्टमेन्टका सिइओ र कर्विस कम्पनीका अध्यक्ष समेत हुन ।

३. एमेन्सिओ ओर्टेगा

फेब्र्सले सार्वजनिक गरेको सूची अनुसार तेश्रो स्थानमा रहेका छन स्पेन नागरिक एमेन्सिओ ओर्टेगा । ७६ बर्षिय यिनको सम्पत्ती ५७ बिलियन डलर रहेको जनाएको छ । तीन सन्तानका अभिभावक उनी स्पेनका सवै भन्दा धनी व्यक्ति हुन । उनलाई  धनी व्यक्तिहरुमा पनि एक वर्षमै अधिक कमाउने व्यक्तिको रुपमा लिइएको छ । म्याड्रिड, चिकागो, लण्डन, सन फ्रास्सिको र न्युयोकमा उनले लगानी गरेका छन । रेलवे स्टेशनमा काम गर्ने उनका बुबाले शुरुमा उनलाई सर्ट पसलमा काम गर्न राखेको वताइन्छ । हाल फेसन कम्पनी इन्डिटेक्स ग्रुपका सिइयो उनी ५ सन्तानका अभिभावक हुन । उत्तः कपनीले उत्पादन गर्ने जारा ब्राण्डका पोषाक निकै लोकप्रिय मानिन्छ । गत वर्ष उनको सम्पत्ती ३७ बिलियन डलर रहेको जनाएको थियो । ब्लुम्वर्ग बिलियनिर्यर इन्डेक्सले पनि उनलाई बिश्वका तेश्रो धनी व्यक्तिको रुपमा चिनाएको छ । उनका पत्नि पनि स्पेनका धनी महिलाहरुको सूचीमा अग्रस्थानका रहेकी छिन ।

४. वारेन बफेट्ट

सर्वाधिक धनी व्यक्तिहरुको सूचीमा चौथों स्थानमा रहेका छन अमेरिकी नागरिक वोरन्ट बफेट्ट । फोब्र्स पत्रिकाले वारेनको सम्पत्ती ५३ दशमलव ५ बिलियन डलर रहेको जनाएको छ भने ब्लुमवर्ग डटकमको इन्डेक्स अनुसार उनको सम्पत्ती ५४ दशमलव ६ बिलियन डलर रहेको जनाएको छ । उनले कोकाकोला, अमेरिकन एक्सप्रेस, बेल्स फार्गाे, इन्सुरेन्स, ऊर्जा, सेवा लगायतका क्षेत्रमा लगानी गरेका छन । अमेरिकी स्वतन्त्रता २०११ को मेडल समेत प्राप्त यी व्यवसायीले ११ वर्षको उमेरमै शेयर खरिद गरेको विभिन्न वेबसाइटहरुले जनाएको छ । ८२ बर्षीय उनी बार्कसायर हाथवे कम्पनीका सिइओ हुन । कोलोम्बीया विश्वविद्यालयबाट विज्ञानमा स्नात्तकोत्तर र नेब्रास्का लिन्कनबाट विज्ञान र आर्टसमा स्नातक गरेका उनी बिश्वका शक्तिशाली व्यक्तिहरुको सूचीमा १५ औं स्थानमा रहेका छन भने अमेरिकी धनीहरुको सूचीमा दोश्रो स्थानमा रहेका छन । सामाजिक क्षेत्रमा पनि क्रियाशिल उनको गत वर्षको आम्दानी ४६ बिलियन डलर रहेको जनाएको छ ।

५. ल्यारी एल्लिसन

सार्वजनिक सूची अनुसार पाचौं स्थानमा रहेका छन अमेरिकी नागरिक ल्यारी एल्लिसन । ४३ बिलियन डलरका मालिक उनी चिकागो विश्वविद्यालयका ड्रपआउट विद्यार्थी हुन । दुइ सन्तानका अभिभावक उनले डिभोर्स समेत गरी सकेका छन । अमेरिकी धनीहरुको सूचीमा तेश्रो स्थानमा रहेका उनी बिश्वका शक्तिशाली व्यक्तिहरुको सूचीमा समेत तेश्रो स्थानमा रहेका छन । १७ अगष्ट १९४४ मा अमेरिकाको मन्हाटनमा जन्मेका उनी हाल क्यालिफोर्नियामा बस्छन । डाटाबेश कम्पनी ओराकल कर्पाेरेसनका सिइओ तथा सह संस्थापक उनको गत वर्षको सम्पत्ती ४१ बिलियन डलर पुगेको जनाएको थियो । उनको चौथों विवाहमा स्टेभ जब्सले फोटो खिचेको ब्लुम्वर्ग डटकमले जनाएको छ । टेनिस, गितार र प्लेन उडानमा विशेष रुची राख्ने उनले सप्mटवेयर लगायतका प्राविधिक क्षेत्रमा समेत लगानी गरेको विभिन्न वेबसाइटहरुले जनाएको छ ।

                                                                                                                                
Posted by Unknown at 2:50 AM 0 comments
Labels: ,
Subscribe to: Posts (Atom)