हाकिम र हुंकार पर्यायवाची शब्द हुन पुगेको छ । शब्द मात्रै होइन, व्यवहार पनि ठ्याक्कै पर्यायवाची नै बन्न पुगेको छ । हन्डर, ठक्कर खाएर हाकिम बनेकाहरू बरु हुंकारबाट अलि टाढा हुन्छन् तर चाप्लुसी र फोर्सबाट चिल्ला कुर्सीमा आसीन हाकिमको हुंकार जंगली बाघको भन्दा कम्ता हुन्न । कैयांैले त हाकिमका हुंकार सहन नसकी धुरुधुरु आँसु पनि झारेको हुनुपर्छ ।
हाकिम र हुंकार पर्यायवाची शब्द हुन पुगेको छ । शब्द मात्रै होइन, व्यवहार पनि ठ्याक्कै पर्यायवाची नै बन्न पुगेको छ । हन्डर, ठक्कर खाएर हाकिम बनेकाहरू बरु हुंकारबाट अलि टाढा हुन्छन् तर चाप्लुसी र फोर्सबाट चिल्ला कुर्सीमा आसीन हाकिमको हुंकार जंगली बाघको भन्दा कम्ता हुन्न । कैयांैले त हाकिमका हुंकार सहन नसकी धुरुधुरु आँसु पनि झारेको हुनुपर्छ ।
हाकिमलाई नचिन्ने को होला र अहिलेको जमानामा । नजिकबाट होस् वा टाढाबाट, काम गरेर होस् वा दाम चढाएर, जसरी पनि कोही न कोही हाकिम चिनेकै हुन्छ । नाफामूलक होस् कि सेवामूलक, निजी होस् कि सार्वजनिक, संस्थान होस् कि सरकारी, एक्लौटी होस् कि साझेदारी, स्वदेशी होस् कि विदेशी सबै अफिसमा हाकिम नामक व्यक्तिको उपस्थित हुन्छ क्षणिक होस् वा फुलआवर । उसको पावरको बखान गरी साध्य छैन । हाकिमको कुर्सीले नै उसको महिमा गाउँछ, त्यसैले उसलाई भेटिरहनै पर्दैन । चिल्ला कुर्सीले नै उसको महानता झकझकाउँछ ।
हाकिमलाई नचिन्ने को होला र अहिलेको जमानामा । नजिकबाट होस् वा टाढाबाट, काम गरेर होस् वा दाम चढाएर, जसरी पनि कोही न कोही हाकिम चिनेकै हुन्छ । नाफामूलक होस् कि सेवामूलक, निजी होस् कि सार्वजनिक, संस्थान होस् कि सरकारी, एक्लौटी होस् कि साझेदारी, स्वदेशी होस् कि विदेशी सबै अफिसमा हाकिम नामक व्यक्तिको उपस्थित हुन्छ क्षणिक होस् वा फुलआवर । उसको पावरको बखान गरी साध्य छैन । हाकिमको कुर्सीले नै उसको महिमा गाउँछ, त्यसैले उसलाई भेटिरहनै पर्दैन । चिल्ला कुर्सीले नै उसको महानता झकझकाउँछ ।
हाकिम जसको पनि हुन सक्छ, मन्त्रालय, विभाग, क्षेत्रीय, शाखा, उपशाखा, फाँट आदि–इत्यादि । हाकिमको सानलाई ध्यान गर्दै तल्ला कर्मचारीहरूले गर्ने मानको कुरै छाडौं । गाडीबाट ओर्लन नपाउँदै ब्याग बोकेर धनुष्टंकार नमस्कार तेस्र्याएर जी हजुरी गर्नु सामान्य कुरो हो । कोठामा पनि अरू उभिएर बस्दा नि ऊ हुंकार गर्दै कुर्सी हल्लाई–हल्लाई वात मार्छ, घण्टी बजाएको भरमा पियन टुप्लुकिन्छ, इसाराले सब ठीकठाक हुन्छ । टेबलमाथि फाइल त्यसमुनि क्यास राखेर दर्शनभेट चढाउनुपर्छ उसलाई ।
चाकडी–चाप्लुसी गर्न रमाउनेलाई काजसाज मिलाउनेदेखि हजारौंको कागजमा आँखा चिम्लेर सही हान्छ आफूले भन्या कुरा नमान्नेलाई निष्कासन, सरुवा, घटुवा, जरिवाना गरेर पदको हँुकार दर्साउँछ । तल्ला कर्मचारीका लागि यति धेरै महत्वपूर्ण मान्छे हुनाले हाकिमलाई आमा, बाबा, देवताको पनि देवताझंै सर्वेसर्वा हुन्छ ।
सुनसान ठाउँमा हाकिमलाई नै मार्ने काट्ने कुरा हुन्छ, तर उसको नजिक परेपछि चुइँक्कसम्म बोल्ने आँट आउँदैन उनीहरूको । साना कर्मचारीलाई जोताउने, घोटाउने, सताउने त सामान्य हो अचेल । हाकिमलाई अपमान गर्न पनि हुँदैन । हरेक क्रियाको पछाडि प्रतिक्रिया अवष्यै हुन्छ । आलु गोदाममा केही आलु कुहिएको पनि हुन सक्छ । याद राख्नुस्, एउटा कुहिएको आलुले एक हप्ता नै बित्न नपाउँदै सबै आलुलाई बिमारी बनाउँछ ।
नयाँ जागिर पाउन पनि हाकिमको ठूलो भूमिका हुन्छ । राम्रो ठाउँ सरुवा हुनदेखि राम्रो पैसो कमाउनमा पनि हाकिम नै रिझाउनुपर्छ । हाकिमले ओके गर्नासाथ ए टु जेड सफाचट हुन्छ । त्यसैले हाकिमलाई सम्मान गर्न जानेकाले नै राम्रो भविष्य बनाउन सक्छन् । ख्याल गर्नु । हाकिमको खोइरो खन्दैमा हुनेवाला केही छैन ।
राम्रा हाकिमले गर्दा कैयांैले जागिर पाका छन्, कैयौले उपचार पाका छन्, कैयांैले दुःखको सहारा पाका छन् । त्यसैले सबै हाकिमसापलाई होलसेलमा लिन पनि त भएन कि कसो ?
No comments:
Post a Comment
तपाईंको सल्लाह, सुझाब तथा प्रतिकृयाकालागि स्वागत छ , प्रतिकृया लेख्दा नाम र ठेगाना शुद्द सँग लेख्नु होला ।